Davlat soliq qo‘mitasi Vazirlar Mahkamasining “Soliq organlari tomonidan davlat organlari ma’lumotlar bazasidan foydalanishni tartibga solish to‘g‘risida”gi qarori (ID-56743) loyihasini ishlab chiqdi.
Savdo-sanoat palatasi qaror loyihasi yuzasidan jamoatchilik ekspertizasi xulosasini taqdim etdi.
Tadbirkorlarga yangi jazo turi o‘ylab topilmoqda
Qaror loyihasida tadbirkorlik sub’yektlarining birja savdolarida hamda davlat xaridlari bo‘yicha o‘tkaziladigan elektron savdo va tenderlarda Davlat soliq qo‘mitasi tomonidan baholangan soliq xavfi darajasidan kelib chiqqan holda ishtirok etish huquqini belgilovchi tartib ishlab chiqilishi ko‘zda tutilmoqda.
Bu tartib 2022 yil 1 oktyabrga qadar Moliya vazirligi, Qurilish vazirligi va “O‘zbekiston Respublika tovar-xomashyo birjasi” AJ bilan birgalikda ishlab chiqilishi belgilanmoqda.
DSQ ushbu yangi jazolash tartibini soliq to‘lashdan bo‘yin tovlash holatlarining oldini olishga qaratilgan tadbirlarning davomi deya baholagan.
Loyiha tushuntirish xatida keltirilishicha, bunda soliq qonunchiligini buzgan soliq to‘lovchilarga nisbatan javobgarlik muqarrarligini ta’minlash va soliq to‘lamaslik xavfi yuqori bo‘lgan soliq to‘lovchilarning birja savdolarida hamda davlat xaridlari bo‘yicha o‘tkaziladigan elektron savdo va tenderlarda DSQ tomonidan baholangan soliq xavfi darajasidan kelib chiqqan holda ishtirok etish huquqini belgilovchi tartib ishlab chiqish nazarda tutilmoqda.
Savdo-sanoat palatasining pozitsiyasi
SSP xulosasiga ko‘ra, bunday tartib joriy etilishi aynan bir huquqbuzarlik uchun qayta va qayta javobgarlikka tortilishga sabab bo‘ladi.
“Vaholanki, amaldagi qonunchilikka ko‘ra, soliqlar yoki boshqa majburiy to‘lovlarni to‘lashdan bo‘yin tovlash uchun ma’muriy (MJtK 174-moddasida) va jinoiy (Jinoyat kodeksi 184-moddasida) javobgarlik belgilangan.
Bundan tashqari, tadbirkorlik sub’yektlari o‘zlariga bog‘liq bo‘lmagan holda ham soliq xavfi yuqori bo‘lgan toifaga tushib qolishlari
