Toshkent viloyati O‘rta Chirchiq tumanida joylashgan korxonlardan birida yong‘in sodir bo‘lgan. Bu haqda FVV axborot xizmati xabar bermoqda.
Ma'lum bo‘lishicha, 29 iyun kuni soat 21:58 da Toshkent viloyati Favqulodda vaziyatlar boshqarmasiga O‘rta Chirchiq tumani “Tinchlik” MFY, Munavvar ko‘chasida joylashgan "BARAKA DEKOR" MChJ da yong‘in sodir bo‘layotganligi to‘g‘risida xabar kelib tushgan.
Shunga ko‘ra, boshqarma yong‘in-qutqaruv ekipajlari soat 22:07 da voqea joyiga yetib borib, soat 23:01da o‘rab olinib, 23:14 da yong‘in batamom o‘chirilgan.
«Hodisa oqibatida jabrlanganlar va halok bo‘lganlar yo‘q. Hozirda yong‘in sababi va keltirilgan zarar miqdori aniqlanmoqda», deyiladi xabarda.