2022 yil yanvar-iyul oylarida O‘zbekiston 15 ta davlatdan qiymati 57,2 mln AQSh dollariga teng bo‘lgan 322 ming tonna kartoshka import qilgan.
Davlat statistika qo‘mitasi ma’lumotlariga ko‘ra, kartoshka importi o‘tgan yil mos davri bilan solishtirilganda qariyb 11,7 ming tonnaga oshgan.
2022 yil 7 oyida O‘zbekiston eng ko‘p kartoshka import qilgan davlatlar orasida Pokiston yetakchilik qilyapti – 257,9 ming tonna.
Ushbu ko‘rsatkich qolgan davlatlar kesimida quyidagicha ko‘rinish oldi:
- Qozog‘iston – 23,5 ming tonna;
- Rossiya – 15 ming tonna;
- Qirg‘iziston – 9,4 ming tonna;
- Eron – 5,6 ming tonna;
- Niderlandiya – 5,3 ming tonna;
- Afg‘oniston – 4 ming tonna;
- Belarus – 631,6 tonna;
- Polsha – 559 tonna.
