2022 йил январь-июль ойларида Ўзбекистон 15 та давлатдан қиймати 57,2 млн АҚШ долларига тенг бўлган 322 минг тонна картошка импорт қилган.
Давлат статистика қўмитаси маълумотларига кўра, картошка импорти ўтган йил мос даври билан солиштирилганда қарийб 11,7 минг тоннага ошган.
2022 йил 7 ойида Ўзбекистон энг кўп картошка импорт қилган давлатлар орасида Покистон етакчилик қиляпти – 257,9 минг тонна.
Ушбу кўрсаткич қолган давлатлар кесимида қуйидагича кўриниш олди:
- Қозоғистон – 23,5 минг тонна;
- Россия – 15 минг тонна;
- Қирғизистон – 9,4 минг тонна;
- Эрон – 5,6 минг тонна;
- Нидерландия – 5,3 минг тонна;
- Афғонистон – 4 минг тонна;
- Беларусь – 631,6 тонна;
- Польша – 559 тонна.
