Qoʻshimcha funksionallar
-
Tungi ko‘rinish
O‘zbekiston hududiga juda issiq havo massalari kirib keladi - «O‘zgidromet»
Bugun respublikaning janubi-sharqiy qismi baland siklon ta'siri ostida bo‘ladi. Toshkent, Andijon, Namangan, Farg‘ona viloyatlarida va tog‘oldi hamda tog‘li hududlarda ba'zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Momaqaldiroq paytida shamol 17-22 m/s gacha kuchayishi mumkin. Kunduzgi havo harorati 29-34 daraja issiq atrofida bo‘ladi.
“O‘zgidromet” xabariga ko‘ra, 25 mayda baland siklon ta'siri faqat respublikaning eng sharqiy hududlarida saqlanib turadi. Farg‘ona vodiysi viloyatlarida, tog‘oldi va tog‘li hududlarda ba'zi joylarda qisqa muddatli yomg‘ir yog‘ishi, shamol 17-22 m/s gacha kuchayishida momaqaldiroq bo‘lishi mumkin.
26 maydan O‘zbekiston hududiga Eron hududlaridan juda iliq havo massalari kirib kelishi boshlanadi. Kunduzgi havo harorati 34-37 daraja issiqqacha, janubda va cho‘l hududlarda 38-40 daraja issiqqacha ko‘tariladi, bu o‘rtacha ko‘p yillik qiymatlardan 5-8 darajaga ko‘p.
“O‘zgidromet” 24-27 may kunlarida respublikaning tog‘oldi va tog‘li hududlarida mahalliy yomg‘irlar yog‘ishi hisobiga sel kelishi xavfi haqida ogohlantirgan.
