KXShT mamlakatlari Tojikistonda yirik miqyosda harbiy mashg‘ulotlar o‘tkazishni rejalashtirmoqda
KXShT bosh kotibining so‘zlariga ko‘ra, tashkilot tojik-afg‘on chegarasida terrorchi guruhlar va IShIDning faollashganini kuzatmoqda.
Kollektiv xavfsizlik shartnomasi tashkiloti (KXShT) mamlakatlari 2021 yilda tojik-afg‘on chegarasidagi nizolarni barqarorlashtirishdagi sa'y-harakatlarni ishlab chiqish uchun Tojikistonda yirik miqyosda mashg‘ulotlar o‘tkazishni rejalashtirmoqda. Bu haqda KXShT bosh kotibi Stanislav Zas ma'lum qildi.
"Kelgusi yilda Tojikiston hududida KXShT kollektiv kuchlari ishtirokida chegaraoldi nizosi chog‘idagi harakatlarni ishlab chiqish uchun yirik mashg‘ulotlar o‘tkazishni rejalashtirmoqdamiz", - dedi u.
KXShT bosh kotibining so‘zlariga ko‘ra, tashkilot tojik-afg‘on chegarasida terrorchi guruhlar va IShIDning faollashganini kuzatmoqda.
KXShTga 1992 yil 15 mayda Toshkentda Armaniston, Qozog‘iston, Qirg‘iziston, Rossiya, Tojikiston va O‘zbekiston rahbarlari tomonidan asos solingan.
1993 yilda KXShTga Ozarboyjon, Belarus va Gruziya qo‘shilgan. Keyinchalik Ozarboyjon, Gruziya va O‘zbekiston tashkilotdan chiqib ketgan.
Mavzuga oid
22:34 / 11.09.2024
Tojikiston muftiysi hujumga uchradi
21:41 / 10.09.2024
Tojikiston o‘z fuqarolariga Rossiyaga safar qilmaslikni tavsiya etdi
20:00 / 02.09.2024
Imomali Rahmon bolalar va o‘qituvchilarni o‘zini kutib olish tadbirlariga chaqirishni taqiqladi
23:18 / 31.08.2024