Tojikiston qo‘shnilariga elektr energiyasi yetkazib berishni 15 barobarga qisqartirdi

Joriy yilning o‘n oyida Tojikiston 106 million dollarga yaqin elektr energiyasi eksport qildi, deya xabar beradi mamlakat statistika boshqarmasi.

Qayd etilishicha, bu respublika xorijga 101 million dollardan sal ko‘proq elektr energiyasi yetkazib bergan 2022 yilning shu davriga nisbatan 4,8 foizga ko‘pdir.

Shu bilan birga, joriy yilning oktyabr oyida Tojikiston elektr energiyasi eksporti sentabrga nisbatan 15 baravar kamaygan - joriy yilning sentabridagi 20 million dollardan oktyabr oyidagi 1,3 million dollargacha.

Tojikiston faqat ikki davlat – O‘zbekiston va Afg‘oniston bilan 2023 yil uchun elektr energiyasi yetkazib berish bo‘yicha shartnomalar tuzgan.

«Barki Tojik» O‘zbekistonga elektr energiyasi faqat yozda yetkazib berilishini, Afg‘onistonga eksport kuz-qish mavsumida ham davom etishini, bu faqat infratuzilmani saqlab qolish uchun amalga oshirilishini ma’lum qildi.

Kompaniya rahbariyati Tojikistonning o‘zida elektr energiyasi tanqisligi kuzatilgan sovuq mavsumda Afg‘onistonga yetkazib berish 10 barobarga qisqarishini ta’kidladi: 400 MVtdan 40 MVtgacha.

Sentyabr oyi oxirida «Barki tojik» kompaniyasi kelayotgan kuz-qish mavsumida elektr energiyasi ta’minoti cheklanishi mumkinligini ma’lum qildi. Sentyabr oyining so‘nggi o‘n kunligidan boshlab mamlakat qishloqlari aholisi cheklangan miqdorda elektr energiyasi olmoqda.

Statistika agentligi ma’lumotlariga ko‘ra, joriy yilning o‘n oyida respublikada elektr energiyasi ishlab chiqarish qariyb 18,4 milliard kilovatt/soatni tashkil etdi, bu 2022 yilning shu davriga nisbatan 4,4 foizga ko‘pdir.

Joriy yilda elektr energiyasining qariyb 96 foizi gidroelektrostansiyalarda, qolgan qismi esa issiqlik va quyosh elektr stansiyalarida ishlab chiqarildi.