“O‘zbekiston va Qozog‘iston o‘rtasidagi do‘stona munosabatlar – butun dunyoga namuna” - Saida Mirziyoyeva
“Yer yuzida ziddiyatlar avj olayotgan bir paytda, Shavkat Mirziyoyev va Qosim-Jo‘mart To‘qayev siyosiy tandemi Markaziy Osiyoni eng xavfsiz, gullab-yashnayotgan, do‘stona hududga aylantirishga intilmoqda”, – dedi prezident yordamchisi Ostonadagi nutqida.
Bugun O‘zbekiston va Qozog‘iston o‘rtasidagi do‘stona munosabatlar butun dunyoga namuna, dedi O‘zbekiston prezidenti yordamchisi Saida Mirziyoyeva Ostonada bo‘lib o‘tgan “Zakovat” o‘yinlarida so‘zlagan nutqida.
U o‘z so‘zi avvalida o‘zbek va qozoq xalqlarining yaqin do‘stligini qayd etdi. O‘zimizni xuddi uyimizda yurgandek his qilyapmiz, umumiy jihatlarimiz juda ko‘p: an’analar, urf-odatlar, madaniyat, oshxonamiz, ismlar, tarix, din va mehmondo‘stligimiz, dedi Mirziyoyeva.
“Nega aynan bugun o‘zimizni xuddi uyimizdagidek his qilyapmiz, deyapman? Ilgari qanday bo‘lganini eslaysizmi? Mening yodimda. Hammaning yodida.
Sovuqqina munosabatlar... O‘zbekiston bilan Qozog‘iston chegarasida soatlab navbat kutish... Hadik... O‘zimizni uyimizda yurgandek his qila olarmidik?
Bugun esa O‘zbekiston va Qozog‘iston o‘rtasidagi do‘stona munosabatlar butun dunyoga namunadir. Bizning yo‘lboshchilarimiz eng muhim savollarga javob topa oldilar. Yer yuzida ziddiyatlar avj olayotgan bir paytda, Shavkat Mirziyoyev va Qosim-Jo‘mart To‘qayev siyosiy tandemi Markaziy Osiyoni eng xavfsiz, gullab-yashnayotgan, do‘stona hududga aylantirishga intilmoqda”, – deya ta’kidladi Mirziyoyeva.
Mavzuga oid
12:30 / 17.09.2024
Shols Qozog‘istonda hamkorlikni kuchaytirish rejalari haqida ma’lum qildi
08:15 / 17.09.2024
Shavkat Mirziyoyev amaliy tashrif bilan Qozog‘istonga jo‘nab ketdi
18:55 / 16.09.2024
Shavkat Mirziyoyev «Markaziy Osiyo – Germaniya» sammitida ishtirok etadi
19:02 / 14.09.2024