“Barselona” futbol klubining uch nafar hujumchisi Lionel Messi, Neymar va Luis Suares, shuningdek himoyachi Xerard Pike Ispaniya Kubogining 1/16 finali doirasidagi “Erkules”ga qarshi o‘yinda ishtirok etmaydi. Kataloniya jamoasi bosh murabbiyi Luis Enrike bunday qarorga o‘yinchilarga hordiq berish maqsadida kelgan.
“Ha, bizda ta'tilga chiqib bo‘lgan to‘rt futbolchi bor: bu Messi, Neymar, Suares va Pike. Qolganlar esa ushbu bahsdan so‘ng dam olishadi. Men buni birinchi marotaba qilayotganim yo‘q», - deya Luis Enrikening so‘zlarini keltiradi AS.
Ma'lumot uchun, “ko‘k-anorranglilar”ning “Erkules” bilan uchrashuvi 22 dekabr kuni “Kamp Nou” stadionida bo‘lib o‘tadi. Jamoalarning birinchi bahsi 1:1 hisobida yakuniga yetgan.