1. Dollar so‘zi Germaniyada o‘rta asrlarda paydo bo‘lgan tanga nomi «taller»dan kelib chiqqan. Keyinchalik taller Germaniyada butunlay muomaladan chiqib ketdi. Uning o‘rniga marka kirib keldi. Biroq, uning nomi xalq orasida qolib ketdi. O‘sha paytlarda Angliya va Ispaniya mustamlakalarida peso nomi bilan mashhur bo‘lgan ispan tangalari muomalada bo‘lgan. Bu tangalarni ko‘p joylarda adashgan holda «dalar» deb atashar edi. Uzoq urushlardan so‘ng mustaqillik erishgan AQSh hukumati davlatning rasmiy valyutasini muomalaga kiritish chog‘ida unga hech ikkilanmay hammaga ma'lum va mashhur bo‘lgan «dollar» nomini tanlagan.
2. Uzun inglizcha ibora «Piece of Eight», ya'ni 1/8 (nimchorak) qog‘ozda o‘chirilgan 8 ga aylanib, oxir-oqibat bizga tanish bo‘lgan dollar belgisi ($) paydo bulgan.
3. Dollar jargonda «baks» deb ham ataladi. Bu so‘z bug‘uning terisi nomidan kelib chiqqan bo‘lib, ingliz tilida bug‘u erkagining nomi - buck. U bir paytlar hindular bilan savdo qilishning asosiy quroli bo‘lgan.
4. Dollar tangalarning ham o‘z nomlari bor: 1 sentlik — penni, 5 sent — nikel, 10 sent — daym, 25 sent — kvota, 50 sent — haf deb yuritiladi.
5. Dollarni ishlab chiqarish uchun zig‘ir va paxta tolalaridan foydalaniladi. Dollarlar nashr qilinadigan qog‘oz tarkibiga 25% zig‘ir, 75% paxta va ko‘p bo‘lmagan hajmda mayda sintetik tolalar kiradi. Bu tolalar ko‘k va qizil rangga ega bo‘lib, butun kupyura ustida ko‘rinib turadi. Banknotning taxminiy og‘irligi — 1 gramm.
6. Dollar muomalaga kiritilgan vaqtdan boshlab AQSh hukumati uning qiymatini oltin bilan bog‘lagan. 1792 yilda oltinning bir untsiyasi 19,3$ deb belgilangan. 1834 yilda AQShning oltin zaxirasi yetarli bo‘lmaganligi tufayli untsiya bahosi 20,67$ga ko‘tarilgan. Bu qiymat asrlar davomida o‘zgarib borsa-da, dollarning oltin bilan baholanishi va bog‘liqligi saqlanib qolavergan.
