Energetika vazirligi qo‘shimcha 17ta energoblokni modernizatsiya qilish bo‘yicha taklif tayyorlash vazifasini bajarmagan
2019 yil 26 iyul kuni Oliy Majlis Senati Budjet va iqtisodiy islohotlar masalalari qo‘mitasining majlisi bo‘lib o‘tdi. Unda qurilish, energetika hamda iqtisodiyot va sanoat vazirliklarining maqsadli vazifalarni joriy yil birinchi yarim yilligida bajarish bo‘yicha hisobotlari eshitildi.
O‘zbekiston Respublikasi Oliy Majlisi Senatining axborot xizmati xabariga ko‘ra, Energetika vazirligi davlat organlari va tashkilotlarida energiya nuqtai nazaridan samarador va tejamkor texnologiyalarni joriy etish, energiya resurslarini iste'mol qilish monitoringini olib borish kabi yo‘nalishlarda izchil faoliyat olib bormoqda. Bunda qayta tiklanuvchi energiya manbalaridan foydalanishga, sohada kadrlar malakasini muntazam oshirishga alohida e'tibor qaratilmoqda.
2019 yilda vazirlik zimmasiga jami 24 ta vazifa yuklatilgan bo‘lib, shundan 8 ta vazifani ijro etish muddati joriy yilning birinchi yarim yilligi belgilangan. Ularning aksariyati o‘z vaqtida bajarilgan bo‘lsa-da, ayrim topshiriqlarni ro‘yobga chiqarishda sustkashlikka yo‘l qo‘yilgani alohida ta'kidlab o‘tildi. Xususan, qo‘shimcha 17ta energoblokni modernizatsiya qilish bo‘yicha taklif tayyorlash vazifasi bajarilmagan. Bu esa foydalanishdagi generatsiya quvvatlarining umumiy hajmida zamonaviy va modernizatsiya qilingan energouskunalar ulushini oshirish vazifasining bajarilmasdan qolishiga olib kelishi mumkin.
Bundan tashqari, yil davomida bajarilishi belgilangan tashabbuskorlar mablag‘lari hisobidan amalga oshirilayotgan investitsiya va infratuzilma loyihalarini qayta ko‘rib chiqish va optimallashtirish bo‘yicha takliflar tayyorlash ishlari boshlanmagan. Bu holat “O‘zbekenergo” AJ va uning tarkibiy korxonalarining moliyaviy sog‘lomlashtirilishini ta'minlash vazifasi ijrosining ta'minlanishini so‘roq ostida qoldiradi.
Muhokama jarayonida aholi va tadbirkorlik sub'yektlaridan tushayotgan haqli e'tirozlar, energiya ta'minotidagi uzilishlar, iste'molchilar qonuniy huquqlarining buzilishi holatlari, tizimda energiya sarfi ustidan nazorat yetarli emasligi kabi masalalar ham ko‘rib chiqildi.
Mavzuga oid
08:52 / 28.09.2024
Senatning navbatdagi yalpi majlisi 30 sentabr kuni chaqiriladi
16:47 / 26.09.2024
Senatdagi qo‘mita raisi bir vaqtning o‘zida boshqa joyda ham ishlashiga izoh berildi
13:08 / 21.09.2024
Senat Xalqaro mehnat tashkiloti Konvensiyasini ratifikatsiya qildi
12:29 / 21.09.2024