AQSh Turkiyaga S-400’ni “yo‘q qilishni, qaytarib berishni yoki undan xalos bo‘lishni” taklif qildi
![](https://storage.kun.uz/source/4/KfzKeyv0iBluQ0n965A9U3BLYgj2a8D0.jpg)
Foto: RIA Novosti, Aleksey Malgavko
AQSh Turkiyani Rossiyadan xarid qilgan S-400 zenit-raketa majmualaridan xalos bo‘lishga chaqirmoqda. Bu haqda AQSh davlat departamentining yuqori lavozimli mansabdor shaxsi brifingda ma'lum qildi.
“Turkiyada muzokaralar stoliga qaytish imkoniyati bor. Ular buning uchun S-400’ni yo‘q qilishi, qaytarib berishi yoki undan xalos bo‘lishi kerakligini bilishadi”, deb aytgan mansabdor shaxs.
Uning ta'kidlashicha, Anqarada AQShning Patriot zenit-raketa majmualarini sotib olish imkoniyati bor.
“Ularda [Turkiya] oldinga borish tanlovi borligini bilishadi va tanlov shundan iboratki, nafaqat ikki tomonlama, balki NATO hamjamiyatida oldinga borish uchun ular S-400’dan xalos bo‘lishlari lozim”, deb qo‘shimcha qilgan davlat departamenti vakili.
Uning aytishicha, agar Turkiya S-400’dan qutulmasa, unda Anqaraga qarshi sanksiyalar qo‘llashning “ko‘plab imkoniyatlari” bor.
O‘tgan hafta AQSh prezidenti Donald Tramp Turkiya prezidenti Rajab Toyyib Erdo‘g‘an bilan uchrashuv yakunlariga ko‘ra Anqara tomonidan S-400 sotib olinishi bilan bog‘liq muammo ijobiy yechim topishiga umid bildirgan. Trampning ta'kidlashicha, Turkiya tomonidan S-400 kabi zamonaviy qurolning sotib olinishi AQSh uchun “muammo” hisoblanadi.
AQShda Rossiya S-400 majmualarini F-35 qiruvchi samolyoti haqida ma'lumot olish uchun qo‘llashi mumkin, deb hisoblashmoqda. Shu sababli, AQSh Anqara S-400’larni sotib olgandan keyin Turkiyani F-35’ni yaratish dasturidan chiqarib yuborgan.
Biroq Turkiya rahbariyati S-400’lardan voz kechilmasligini aytib kelmoqda.
Erdo‘g‘anning aytishicha, S-400 majmualari 2020 yil apreldan to‘liq jangovar holatga keltiriladi.
Mavzuga oid
![](https://storage.kun.uz/source/thumbnails/_medium/10/3aPvkcdqKPyIq_yAPmwxlPXE8mRX4wKz_medium.jpg)
08:45
500 ga yaqin kompaniya AQShning ikkilamchi sanksiyalariga duchor bo‘ldi
![](https://storage.kun.uz/source/thumbnails/_medium/10/4--6ER6UYyvKr1YL-wIEChXfT878Djpn_medium.jpg)
23:35 / 26.07.2024
AQSh Rossiya bilan hamkorligi uchun Hindiston banklarini dollardan uzish bilan tahdid qildi
![](https://storage.kun.uz/source/thumbnails/_medium/10/jrfVCPOjb9FMRqMQB8lc1GqAAULaoYY6_medium.jpg)
23:30 / 26.07.2024
Mayk Pompeo Trampning Ukraina bo‘yicha ehtimolli tinchlik rejasini tasvirlab berdi
![](https://storage.kun.uz/source/thumbnails/_medium/10/agFwFX4pTg7xbx20x8_dV7b4xcozfe-u_medium.jpg)
21:34 / 26.07.2024