Samarqandda o‘quvchini urib quloq pardasini yirtib yuborgan direktorga hukm o‘qildi
Sobiq direktor Jinoyat kodeksining 206-moddasida nazarda tutilgan jinoyatni sodir etishda aybdor deb topilgan.
![](https://storage.kun.uz/source/9/w5nQE66F4Xa4hCP4coV4Hru_tAf_cAk3.jpg)
Foto: zo'rtv
Samarqand viloyati Urgut tumanida o‘quvchini urib, uning quloq pardasini yirtib yuborgan maktab direktoriga sud hukmi o‘qilgan. Bu haqda Oliy sud matbuot kotibi xabar bermoqda.
Hodisa 2022 yil 12 oktyabr kuni Urgut tuman XTBga qarashli 61-maktabda sodir bo‘lgan. Maktab direktori 6-sinf o‘quvchisini paqildoq otishda ayblab urgan, oqibatda bolaning quloq pardasi yirtilib ketgan.
Hodisa yuzasidan munosabat bildirgan viloyat XTB direktor bilan mehnat shartnomasi bekor qilinganini xabar bergandi.
Viloyat IIB axborot xizmati esa direktor o‘quvchini urib mansab vakolati doirasidan chetga chiqqani sababli unga nisbatan Jinoyat kodeksining 206-moddasi 1-qismi bilan jinoyat ishi qo‘zg‘atilganini ma’lum qilgandi.
Qayd etilishicha, sud sobiq direktorni Jinoyat kodeksining 206-moddasi (Hokimiyat yoki mansab vakolati doirasidan chetga chiqish) 1-qismi bilan uch yilga ta’lim sohasida mansabdorlik va moddiy javobgarlik lavozimlarida ishlash huquqidan mahrum qilgan.
Bundan tashqari, unga nisbatan 2 yilga ozodlikni cheklash jazosi tayinlangan.
Mavzuga oid
![](https://storage.kun.uz/source/thumbnails/_medium/10/xaC8WiumpdKzeTzO55Z8cQJVjfQEZ1Az_medium.jpg)
11:26
Bayden AQSh Oliy sudini isloh qilish rejasini taqdim etmoqchi
![](https://storage.kun.uz/source/thumbnails/_medium/10/XMdCwJotCfGTzYWagMy5LYE0G0bQErJB_medium.jpg)
21:57 / 23.07.2024
Oliy sud fuqaroning ijtimoiy norma bo‘yicha shikoyatini qabul qilmadi
![](https://storage.kun.uz/source/thumbnails/_medium/10/YDTBVJjTod7qh_sMhJAyqxXRcyIdMkP__medium.jpg)
12:31 / 23.07.2024
Viloyatliklarni haqorat qilgan yana bir qiz 10 sutkaga qamaldi
![](https://storage.kun.uz/source/thumbnails/_medium/10/J7vUJ6B9YnNCZZj2Zxg74psNaLmuCWrj_medium.jpg)
21:18 / 20.07.2024