AQSh Xitoy kompaniyalariga qarshi sanksiyalar kiritdi
Pekin Eron va Rossiyaga harbiy yordam berganlikda ayblandi.
![](https://storage.kun.uz/source/9/LPpreg3uSMRjn8CnBq6zSeCB8XgxFbJ9.jpg)
Foto: Reuters
AQSh Eronga «Shohid» harbiy dronlarini ishlab chiqarishda yordam berayotgan bir qancha Xitoy kompaniyalariga nisbatan sanksiyalar joriy qildi. Bu haqda AQSh Moliya vazirligi xabar berdi.
Jumladan, beshta kompaniya va bir jismoniy shaxs Amerika cheklovlari ostida qoldi. Kompaniyalar Xitoyda joylashgan, ammo Eronga samolyotlar, jumladan, dronlar uchun butlovchi qismlar yetkazib bergan.
Qayd etilishicha, Xitoy kompaniyalari «Shohid-136» kamikadze dronlarini ishlab chiqarish bilan shug‘ullanuvchi Eron aviatsiya sanoat kompaniyasi uchun butlovchi qismlarni yetkazgan.
Joriy qilingan sanksiyalar oqibatida ro‘yxatga kiritilganlarning Qo‘shma Shtatlardagi barcha aktivlari muzlatiladi. AQSh rezidentlariga bu kompaniyalar va ularning shu’ba korxonalari bilan har qanday operatsiyalarni amalga oshirish taqiqlanadi.
Bundan tashqari, har qanday moliya tashkiloti sanksiyalar ro‘yxatidagi kompaniyalarga o‘z xizmatini taqdim etsa, sanksiyalarga duchor bo‘lishi mumkin. Bu butun dunyodagi moliya tashkilotlariga taalluqli.
Qayd qilish joizki, Rossiya o‘tgan yilning kuzidan beri Ukraina fuqarolik infratuzilmasiga zarba berish uchun Erondan sotib olingan «Shohid-136» kamikadze dronlari va shunga o‘xshash modellardan foydalanmoqda.
Mavzuga oid
![](https://storage.kun.uz/source/thumbnails/_medium/10/RuA8d7qCvUpL4JT8EVOIOGtE_A8Ur3G4_medium.jpg)
22:36 / 07.09.2024
Tramp Ukrainadagi urushni qanday tugatishni rejalashtirayotganini aytdi
![](https://storage.kun.uz/source/thumbnails/_medium/10/eefFkG3_sKxG3Jwc8rufUiD25rqwzEDt_medium.jpg)
21:57 / 07.09.2024
AQSh Iroqdan qo‘shinlarini olib chiqish sanasi ma’lum bo‘ldi - OAV
![](https://storage.kun.uz/source/thumbnails/_medium/10/_5WVCiXWBzKpigBtz25HT5GHNeboPy3y_medium.jpg)
21:30 / 07.09.2024
«Starliner» kosmik kemasi uch oylik kechikish bilan Yerga qaytdi
![](https://storage.kun.uz/source/thumbnails/_medium/10/R6KYhgAelgLWM8shxLt8ThPaLMYmx0WF_medium.jpg)
19:26 / 07.09.2024