22:14 / 25.03.2023
18604

Ukrainaga 2027 yilgacha qarzlarini qaytarmaslikka ruxsat berildi 

Kiyev tomonidan qarzlarning to‘loviga moratoriy 2027 yilgacha uzaytirildi. 

Foto: Reuters

Kreditorlar Ukrainaga yana to‘rt yil davomida qarzlarini qaytarmaslikka ruxsat berishdi. Kiyev tomonidan ularning to‘lovlariga moratoriy 2027 yilgacha uzaytirildi. Bu haqda Bloomberg xabar berdi. 

Agentlikning aniqlik kiritishicha, bu qaror Kiyevga Xalqaro valuta jamg‘armasi (XVJ) tomonidan 15,6 milliard dollar ajratish bo‘yicha dastlabki kelishuvga erishilganidan keyin qabul qilingan. 

Qayd etilishicha, bu XVJ tarixida harbiy mojaroda ishtirok etayotgan davlatga berilgan birinchi kredit bo‘ladi. Ushbu dastur to‘rt yilga mo‘ljallangan. 

«Bu dasturning asosiy maqsadlari favqulodda yuqori noaniqlik sharoitida iqtisodiy va moliyaviy barqarorlikni saqlash, qarz barqarorligini tiklash va mojarodan keyin Ukrainaning Yevropa Ittifoqiga qo‘shilish yo‘lida tiklanishini qo‘llab-quvvatlashdir», deb bayonot berdi XVJ. 

Mavzu
Rossiya-Ukraina urushi
2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.
Barchasi
Top