Украинага 2027 йилгача қарзларини қайтармасликка рухсат берилди

Киев томонидан қарзларнинг тўловига мораторий 2027 йилгача узайтирилди.

Фото: Reuters

Кредиторлар Украинага яна тўрт йил давомида қарзларини қайтармасликка рухсат беришди. Киев томонидан уларнинг тўловларига мораторий 2027 йилгача узайтирилди. Бу ҳақда Bloomberg хабар берди.

Агентликнинг аниқлик киритишича, бу қарор Киевга Халқаро валюта жамғармаси (ХВЖ) томонидан 15,6 миллиард доллар ажратиш бўйича дастлабки келишувга эришилганидан кейин қабул қилинган.

Қайд этилишича, бу ХВЖ тарихида ҳарбий можарода иштирок этаётган давлатга берилган биринчи кредит бўлади. Ушбу дастур тўрт йилга мўлжалланган.

«Бу дастурнинг асосий мақсадлари фавқулодда юқори ноаниқлик шароитида иқтисодий ва молиявий барқарорликни сақлаш, қарз барқарорлигини тиклаш ва можародан кейин Украинанинг Европа Иттифоқига қўшилиш йўлида тикланишини қўллаб-қувватлашдир», деб баёнот берди ХВЖ.

Тайёрлаган: Сардор Юсупов

#Украина #ХВЖ