Asakabank va O‘zsanoatqurilishbank kapitaliga xorijiy investitsiyalar jalb etiladi

Prezident Shavkat Mirziyoyev 28 mart kuni Asakabank va O‘zsanoatqurilishbank kapitaliga xorijiy investitsiyalar jalb etish bo‘yicha taqdimot bilan tanishdi. 

Qayd qilinishicha, Asakabank va O‘zsanoatqurilishbankka xorijiy investitsiyalar jalb etish rejalashtirilgan. Shu maqsadda xalqaro moliya institutlari bilan birgalikda bu banklarga 30 nafar malakali xalqaro mutaxassis chaqirilgan. 

2023 yil davomida O‘zsanoatqurilishbank kapitaliga 125 million dollar, Asakabankka 100 million dollar mablag‘ jalb qilinishi ko‘zda tutilmoqda. Banklarning operatsion faoliyatida zamonaviy dasturiy IT mahsulotlar va 100 dan ziyod yangi bank xizmat turlari joriy etilishi rejalashtirilgan.

Amalga oshiriladigan ishlar natijasida 2027 yil natijalari bo‘yicha O‘zsanoatqurilishbank daromadi 1,61 baravar, kredit potfeli 1,74 baravarga oshishi ko‘zda tutiladi. Asakabankda depozitlar 1,71 baravar, bank aktivlarining xajmi esa 1,72.  

Taqdimotda mazkur jarayonga xalqaro konsultantlarni taklif etish, ularning kapitalini oshirish va qo‘shimcha investitsiyalar jalb qilish bo‘yicha ko‘rsatmalar berildi.