Moldova YeI bilan mudofaa sohasida hamkorlik shartnomasini tuzdi
Moldova Yevropa Ittifoqi bilan xavfsizlik va mudofaa sohasida hamkorlik shartnomasini imzolagan birinchi davlat bo‘ldi.
![](https://storage.kun.uz/source/10/cKZ8GzglEDF9ZiCX7iwRYYDe4LAOnBOO.jpg)
Foto: Imago/Itar-Tass
Moldova Yevropa Ittifoqi bilan xavfsizlik va mudofaa sohasida hamkorlik shartnomasini imzoladi. 21 may, seshanba kuni Yevropa Ittifoqining tashqi ishlar va xavfsizlik siyosati bo‘yicha oliy vakili Jozep Borrel ta’kidlashicha, respublika Yevropa Ittifoqi bilan bunday hujjatni imzolagan birinchi davlat bo‘ldi.
«Ushbu hamkorlik mamlakatning barqarorligini mustahkamlaydi. Bu bizga umumiy xavfsizlik muammolarini birgalikda hal qilish, o‘zaro munosabatlarimizni yanada samarali qilish va hamkorlikning yangi yo‘nalishlarini o‘rganish imkonini beradi», deb yozadi Borrel.
Yevropa diplomatiyasi rahbari boshqa davlatlar bilan «do‘st mamlakatlar tarmog‘i»ni yaratish, ularning xavfsizligini mustahkamlash va kiberxavfsizlik kabi masalalar bo‘yicha «yaqin hamkorlikni» ta’minlash bo‘yicha xuddi shunday shartnomalar tuzilishini e’lon qildi, deb ta’kidladi AFP.
Hamkorlik rejasi 28 banddan iborat
Hamkorlik rejasi 28 banddan iborat, deb xabar beradi Reuters. Hujjat «xavfsizlik bo‘yicha murakkablashib borayotgan muhit»ni hisobga oladi va «keng ko‘lamli maslahatlashuvlar»ga chaqiradi. Matnda kibertahdidlardan tashqari, dezinformatsiya, terrorizmga qarshi kurash va «Moldovaning milliy xavfsizligi, barqarorligi va mudofaadagi mustahkamligini mustahkamlash» haqida so‘z boradi. Hamkorlik chegara nazorati, odam savdosi va uyushgan jinoyatchilik masalalarini ham qamrab oladi.
Respublika bosh vaziri Dorin Rechan kelishuvni «Moldova fuqarolari uchun tinchlik va barqarorlikni ta’minlash mexanizmi» deb atadi.
Mavzuga oid
![](https://storage.kun.uz/source/thumbnails/_medium/10/2WfwwYMaIqw4hyzijtASBNT50TundFWC_medium.jpg)
10:15 / 31.08.2024
Kursk viloyati mudofaasiga mahalliy aholi jalb qilinadi
![](https://storage.kun.uz/source/thumbnails/_medium/10/oU4z-ohVCrZMsl8cZoEtk8qfCh790a42_medium.jpg)
00:02 / 27.08.2024
Moldova prezidentida COVID-19 aniqlandi
![](https://storage.kun.uz/source/thumbnails/_medium/10/nDrmzVC6YSJovQntI-S_HO6zTfvKt3sk_medium.jpg)
08:27 / 23.08.2024
Deputatlar davlat mudofaa buyurtmasi to‘g‘risidagi qonunni qabul qildi
![](https://storage.kun.uz/source/thumbnails/_medium/10/l-8u5T3Y1ZK6_clK0GbRVMTemBgM1KJK_medium.jpg)
11:35 / 22.08.2024