Armanistondagi norozilik namoyishlari chog‘ida 230 ga yaqin kishi qo‘lga olindi
Yerevanda minglab namoyishchilar Nikol Pashinyanning iste’fosini, Armaniston va Ozarboyjon chegarasini delimitatsiya va demarkatsiya qilish haqidagi qarorni bekor qilishni talab etmoqda.
![](https://storage.kun.uz/source/10/6TG3GiadSjyqb2880Z970Sq-lxJAjPIi.jpeg)
Foto: Aleksandr Patrin / TASS
27 may, dushanba kuni ertalab Armanistonda hukumatga qarshi namoyishlarda 226 kishi qo‘lga olindi. Bu haqda Armanistonning News.am internet nashri mamlakat Ichki ishlar vazirligi matbuot xizmatiga tayanib xabar berdi. Qayd etilishicha, qo‘lga olinganlar politsiya bo‘limlariga olib ketilgan.
Avvalroq, shu kuni ertalab Rossiyaning «Interfaks» axborot agentligi mamlakat Ichki ishlar vazirligi matbuot xizmatiga tayanib, namoyishning 197 nafar ishtirokchisi qo‘lga olingani haqida xabar bergan edi.
O‘z navbatida, TASS agentligi Armaniston Ichki ishlar vazirligiga tayanib, ushlashlarga namoyishchilarning «politsiya qonuniy talablarini» bajarishdan bosh tortgani sabab bo‘lganini ta’kidlamoqda.
Matbuot xabarlariga ko‘ra, politsiya namoyish rahbari arxiyepiskop Bagrat Galstanyanni qo‘lga olishga uringan, biroq boshqa namoyishchilar bunga yo‘l qo‘ymagan.
Bir kun avval, 26 may kuni Yerevanda bir necha ming kishi Armaniston bosh vaziri Nikol Pashinyan iste’fosini talab qilib, mitingga chiqqan edi. Yig‘ilganlar, shuningdek, Armaniston va Ozarboyjon o‘rtasidagi chegaraning delimitatsiya va demarkatsiyasiga qarshi chiqdi, buning natijasida Bokuga berilgan hududda to‘rtta qishloq qolib ketgandi.
Arxiyepiskop Galstanyan norozilik yetakchisi sifatida
Chegarani delimitatsiya va demarkatsiya qilish bilan bog‘liq norozilik namoyishi rahbari Arman Apostol cherkovi arxiyepiskopi Bagrat Galstanyan bo‘ldi. U Arman Apostol cherkovi rahbari katolikos Garegin II ga siyosiy kurashda qatnashish niyati tufayli uni vazirlikdan chetlashtirishni iltimos qilib murojaat qilgan. Shundan so‘ng «Vatan uchun Tavush» muxolifat harakati uni mamlakat bosh vazirlikka nomzod qilib ko‘rsatdi.
26 may kuni bo‘lib o‘tgan mitingda so‘zga chiqqan Galstanyan Nikol Pashinyandan hukumat rahbari lavozimidan «madaniy yo‘l bilan» iste’foga chiqishni talab qildi va bu bosh vazirning so‘nggi imkoniyati ekanligini ta’kidladi.
TASS agentligi «Muxolifat Telegram-kanallari»ga tayanib yozganidek, Armanistonda norozilik namoyishlari tufayli mamlakat bo‘ylab yo‘llar to‘sib qo‘yildi. Bagrat Galstanyan 26 may kuni qora yo‘ltanlamasda Yerevanda yo‘llardan birini to‘sib qo‘ygan. Poytaxtdan Armavir, Ashtarak va Sevanga olib boruvchi yo‘llar hamda Gyumri yo‘li ham to‘sib qo‘yilgan.
Mavzuga oid
![](https://storage.kun.uz/source/thumbnails/_medium/10/S42Mn4YdVLcU26BBglcbYHDXZghS053K_medium.jpeg)
21:15 / 03.09.2024
FQB armanistonlik talaba Turkiya va Ozarboyjon elchixonalariga hujum uyushtirishni reja qilganini aniqladi
![](https://storage.kun.uz/source/thumbnails/_medium/10/D94gFCMTH6IxuvZ0T_NQPNG4Yl2ofFEv_medium.jpg)
23:18 / 31.08.2024
Armaniston KXShTdagi ishtirokini butunlay muzlatib qo‘ydi
![](https://storage.kun.uz/source/thumbnails/_medium/10/eRP7Qi-9ek1_ib-GlHIYM8dMOBivLwZ-_medium.jpg)
18:55 / 30.08.2024
“Armaniston tinchlikdan manfaatdor emas va ataylab vaqtni cho‘zmoqda” - Ilhom Aliyev
![](https://storage.kun.uz/source/thumbnails/_medium/10/jMB82u5nLGK0GCFm30TtwgT8p7kaM1LI_medium.jpg)
20:37 / 21.08.2024