NATO bosh kotibi Kiyevga har yili 40 milliard yevro ajratmoqchi
NATO bosh kotibi Yyens Stoltenberg ittifoqchilarga Ukrainaga harbiy yordam uchun har yili 40 milliard yevro ajratishni taklif qiladi, deb xabar bermoqda Reuters.
![](https://storage.kun.uz/source/10/Kc07oeoXcE3Ep_9-UEC6uqy-_ZiehZ4-.jpg)
Foto: Reuters
NATO bosh kotibi Yyens Stoltenberg alyansga a’zo davlatlarga Ukrainaga harbiy yordam uchun har yili kamida 40 milliard yevro ajratishni taklif qiladi. Bu haqda 30 may, payshanba kuni Pragada NATOga a’zo davlatlar tashqi ishlar vazirlarining norasmiy uchrashuvining birinchi kunida NATOdagi manbasiga tayanib, Reuters xabar berdi. Uchrashuvning asosiy mavzusi Ukrainaga harbiy yordam ko‘rsatish bo‘ldi.
«Ukrainaga kerak bo‘lgan yordamni oldindan ayta olishni ta’minlash uchun hozirgi yordam darajasini minimal darajada ushlab turishimiz kerak», dedi agentlik manbasi. Uning qo‘shimcha qilishicha, Rossiyaning Ukrainaga to‘liq miqyosli hujumidan beri NATO a’zolari Ukrainani yiliga taxminan 40 milliard yevro bilan ta’minlagan.
Reuters agentligining aniqlik kiritishicha, Stoltenberg bu miqdorni avvalroq e’lon qilmagan, biroq NATO Ukrainani qo‘llab-quvvatlash uchun besh yil davomida 100 milliard yevro yoki har yili 20 milliard yevrolik maxsus jamg‘arma yaratishni muhokama qilgan. Bosh kotibning Kiyevga har yili 40 milliard yevro ajratish haqidagi taklifi 31 may kuni muhokama qilinishi kutilmoqda. 9-11 iyul kunlari Vashingtonda bo‘lib o‘tadigan NATO sammitida Ukrainani qo‘llab-quvvatlash bo‘yicha uzoq muddatli strategiyani kuchaytirish chora-tadbirlari to‘g‘risidagi kelishuv bo‘lib o‘tadi.
Stoltenberg: Kiyevga Rossiyadagi nishonlarni G‘arb qurollari bilan urishga ruxsat bering
Avvalroq Stoltenberg Shimoliy Atlantika alyansi davlatlarini Kiyevga Rossiya Federatsiyasi ichidagi harbiy nishonlarga berilgan qurollar bilan hujum qilishiga ruxsat berishga chaqirgan edi. May oyida boshlangan Rossiyaning Xarkiv viloyatidagi hujumi qisman Ukrainaning G‘arb davlatlari tomonidan yetkazib berilgan qurollardan «Rossiya hududidagi qonuniy harbiy nishonlarga» hujum qilish uchun foydalanishga ruxsati yo‘qligi bilan bog‘liq, biroq «ittifoqchilar uchun buni o‘ylash vaqti keldi». Ukrainaga bergan qurollardan foydalanishga qo‘ygan ba’zi cheklovlarni olib tashlash kerak, dedi NATO bosh kotibi The Economist jurnalida 24 may kuni chop etilgan intervyusida.
Chexiya Respublikasi va Finlandiya tashqi ishlar vazirlari Kiyevga Rossiya hududidagi harbiy nishonlarga zarba yo‘llashga ruxsat berdi. Germaniya kansleri Olaf Shols Rossiyadagi nishonlarga zarba berish uchun nemis qurollaridan foydalanishga qarshi chiqdi.
Mavzuga oid
![](https://storage.kun.uz/source/thumbnails/_medium/10/8tzHyt5HM-W6lDNnUYLqReI4zxYYKMbt_medium.jpg)
09:08 / 31.08.2024
Stoltenberg Ukrainaning Kursk yaqinidagi hujumini qonuniy deb atadi
![](https://storage.kun.uz/source/thumbnails/_medium/10/CqXqu_o8gaApJPJHDodCj6dz4sWK31K5_medium.jpg)
01:05 / 30.08.2024
NATO Latviya va Litvadagi bazalarini kengaytirmoqda
![](https://storage.kun.uz/source/thumbnails/_medium/10/VofDjJPD9vOfnhbEb7m_K_rXsf4Wp8le_medium.jpg)
08:20 / 29.08.2024
Rossiya hujumlari fonida NATO Ukrainaga yordamni oshirmoqda
![](https://storage.kun.uz/source/thumbnails/_medium/10/0Cx-B-QALEFBSv7sB4BobNA50_IQUIVO_medium.jpg)
01:08 / 28.08.2024