O‘zbekiston o‘z tarixida birinchi marta BMT Iqtisodiy va ijtimoiy kengashiga saylandi
Yashirin ovoz berish natijalariga ko‘ra, O‘zbekistonni BMTga a’zo davlatlarning 185 nafari qo‘llagan.
![](https://storage.kun.uz/source/10/guTrp2eq4U_AR7yeTlDUly_MjZGn2R32.jpg)
Foto: UN Photo
O‘zbekiston o‘z tarixida birinchi marta BMT Iqtisodiy va ijtimoiy kengashiga saylangan. Bu haqda Tashqi ishlar vazirligi xabar bermoqda.
Ma’lum qilinishicha, 2024 yil 7 iyun kuni Birlashgan Millatlar Tashkilotining Nyu-York shahridagi bosh qarorgohida 2025-2027 yillar uchun BMT Iqtisodiy va ijtimoiy kengashi a’zolariga saylov bo‘lib o‘tgan.
Yashirin ovoz berish natijalariga ko‘ra, O‘zbekiston BMTga a’zo davlatlarning 185 nafar ovozini olgan va o‘z tarixida birinchi marta Kengash a’zoligiga saylangan.
“Mamlakatimizning BMTning ushbu muhim organiga saylangani O‘zbekiston Respublikasi Prezidenti rahbarligida davlat hayotining barcha jabhalarida amalga oshirilayotgan izchil islohotlar xalqaro hamjamiyat va Birlashgan Millatlar Tashkilotiga a’zo davlatlar tomonidan keng e’tirof etilganidan dalolatdir”, deyiladi xabarda.
Ma’lumot uchun, mazkur Kengash BMTning asosiy organi bo‘lib, tashkilotning iqtisodiy va ijtimoiy faoliyatini muvofiqlashtirishga mas’ul hisoblanadi. Ushbu tuzilma BMT tizimida barqaror rivojlanishning barcha uch yo‘nalishi – iqtisodiy, ijtimoiy va ekologik jihatdan rag‘batlantirish bo‘yicha asosiy o‘rinni egallaydi. Kengash uch yillik muddatga saylanadigan 54 a’zodan iborat.
Mavzuga oid
![](https://storage.kun.uz/source/thumbnails/_medium/10/0Zh1DP4E0sJ9Z89B0HCFK-NFsz9leReJ_medium.jpg)
15:03 / 05.09.2024
Tashqi ishlar vaziri BMT bosh kotibi maxsus vakilini qabul qildi
![](https://storage.kun.uz/source/thumbnails/_medium/10/iGRMFj_IoTic2nBvlffJjPX1Ke0eVP-H_medium.jpg)
14:32 / 04.09.2024
BMTning Oziq-ovqat va qishloq xo‘jaligi tashkiloti rahbari O‘zbekistonga keladi
![](https://storage.kun.uz/source/thumbnails/_medium/10/KA5UJ5O4Ks3zACVDIYMrZn-wiHDzaRgd_medium.jpg)
12:03 / 04.09.2024
BMTning Taraqqiyot dasturi: O‘zbekistonda bu qanday ishlayapti?
![](https://storage.kun.uz/source/thumbnails/_medium/10/YaBTGyRkY2Xqt0xmouG38mCG0VVHSg5D_medium.jpg)
23:25 / 03.09.2024