Hisorak suv omboridan suv sizib chiqqani haqida xabar tarqaldi. Rasmiylar ortiqcha xavotirga o‘rin yo‘qligini ma’lum qilishdi
Qashqadaryo viloyatidagi Hisorak suv omboridagi texnik tadbirlar vaqtida to‘g‘ondan suv sizib chiqqan. FVV hodisada hech kim jarohatlanmagani, suv omboriga shikast yetmagani va vaziyat to‘liq nazorat ostida ekanini bildirdi.
![](https://storage.kun.uz/source/10/u2RqIlah8kIEUi5s7lieW_UTZHx5-U1g.jpg)
Foto: Videodan kadr
10 iyun kuni Qashqadaryo viloyati Shahrisabz tumanida joylashgan Hisorak suv omboridan suv sizib chiqdi. Favqulodda vaziyatlar vazirligi vaziyat yuzasidan rasmiy izoh berdi.
Qayd etilishicha, to‘g‘onning chap tarafidan qo‘shimcha tunnel ochish maqsadida olib borilayotgan muhandislik-texnik tadbirlar vaqtida suv sizib chiqishi holati kuzatilgan.
Avariya oqibatini bartaraf etish maqsadida «O‘zbekgidroenergo» AJ boshqaruvi raisi rahbarligida viloyat hokimi, FVB, IIB boshliqlari va boshqa mutasaddi tashkilotlardan iborat tezkor shtab tuzilgan. FVVning qo‘shimcha qilishicha, maxsus texnikalar yordamida barcha zarur muhandislik tadbirlar olib borilmoqda.
Hodisa oqibatida tan jarohati olgan va halok bo‘lganlar yo‘q. Suv omboriga shikast yetmagan.
«Ortiqcha xavotirga o‘rin yo‘q. Vaziyat to‘liq nazoratga olingan», deyiladi xabarda.
Shahrisabz tumani hokimi Samad Hasanov hamda Qashqadaryo viloyati favqulodda vaziyatlar boshqarmasi boshlig‘i Farhod Mirzayev Hisorak suv ombori oldida turib, holat bo‘yicha videomurojaat yo‘lladi.
Unda aytilishicha, har yili yoz fasli boshida paxta va g‘allani sug‘orish maqsadida Qamashi tumanidagi Chimqo‘rg‘on suv omboriga suv chiqariladi. Joriy yilda ham shu tadbir amalga oshirilgan vaqtda suv sathi ko‘tarilishi kuzatilgan.
Mas’ullar aholidan vahimaga tushmaslikni, hammasi nazorat ostida ekanligini, hech qanday jiddiy xavf yo‘qligini, yolg‘on xabarlarga ishonmaslikni ta’kidlashgan.
Shuningdek, aholidan o‘z yashash joylarini tark etmaslik, aksincha hamma o‘z yashash uyida qolib, tunni sokin o‘tkazishlari so‘ralgan.
Mavzuga oid
![](https://storage.kun.uz/source/thumbnails/_medium/10/JIItHCV0xsgqrz5z-GSXnVq6_komnvC5_medium.jpg)
12:49 / 05.09.2024
Qashqadaryoda paxta to‘qimachilik klasterlari 3 mlrd so‘mdan ortiq asossiz daromad olgan
![](https://storage.kun.uz/source/thumbnails/_medium/10/Mq46zpl4ykLmfksTvXCo4v3-YlJ_1Djl_medium.jpg)
20:31 / 23.08.2024
Qashqadaryoda hokim yordamchisi va boshqalar 1 mlrd so‘mdan ortiq mablag‘ni talon-toroj qilishda gumonlanmoqda
![](https://storage.kun.uz/source/thumbnails/_medium/10/mHcSqVONWVUl68t2yHeroVqkBkdA8qZ-_medium.jpg)
22:34 / 21.08.2024
Qashqadaryoda gaz quvuridagi yong‘in oqibatlari bartaraf etildi
![](https://storage.kun.uz/source/thumbnails/_medium/10/qXdwX53wOtlc5-R1kRD3wOzESm5TcHTA_medium.jpg)
14:18 / 21.08.2024