Яқинроқ ва ёрқинроқ: Суперой ҳодисаси – дунё фотографлари нигоҳида

19 август куни Ўзбекистон вақти билан 23:26 да астрономик ҳодиса – Суперой ва Мовий Ой ҳодисалари кузатилди.

Камдан кам учрайдиган бундай ҳодиса келаси сафар 2037 йилда бўлиши мумкин. Суперой 3 кун давомида, якшанба куни кечки пайтдан чоршанба тунги вақтгача тўлиқ кўринишда намоён бўлади.

Айнан, 19 август тун вақтида эса Ой Ерга максимал яқинлашди ва у оддий тўлин ойдан 14 фоиз каттароқ ва 30 фоиз ёрқинроқ бўлди.

Биринчи “Супер-ой” атамаси 1979 йилда астролог Ричард Нолл томонидан ишлатилган. Унинг мовий аталишини эса рангга алоқаси йўқ, “Мовий ой” – мавсумнинг учинчи тўлин ойига берилган ном.

Йил давомида ерга энг яқин ва ёрқинроқ кўринадиган сайёрамизнинг табиий йўлдоши биринчилардан бўлиб фотографларнинг эътиборини тортади. Kun.uz баҳайбат Ой билан “уйғунлашган” суратлар коллекциясини тақдим этади.

Kun.uz фотомухбирининг объективида – Тошкент рамзларидан бири телеминора ва суперой