Qoʻshimcha funksionallar
-
Tungi ko‘rinish
«Qizimga» - otalar va qizlar munosabatini qayta qurayotgan yangi media loyiha ishga tushdi
11 oktyabr - Xalqaro qizlar kuni munosabati bilan Ijtimoiy himoya milliy agentligi, BMTning Aholishunoslik jamg‘armasi va jamoatchilik faollari hamkorligida «Qizimga» nomli media loyiha ishga tushirildi.
Foto: Videodan kadr
Loyiha jamiyatda qiz bolalarning huquqlari, imkoniyatlari va ularning hayotida otalarning beqiyos o‘rni haqida ijobiy fikrlarni shakllantirishni maqsad qilgan. Unda qizlarning salohiyati va ishonchini cheklaydigan stereotiplarni buzish, qiz bolalarning hayotdagi imkoniyatlarini kengaytirish hamda otalarni qizlar tarbiyasida faol ishtirokchiga aylantirish maqsad qilingan.
Loyiha orqali jamiyatda gender tenglik, qizlar huquqlarini himoya qilish va otalik madaniyatini mustahkamlash asosiy vazifa qilib qo‘yilgan.
Shu bilan birga:
- qizlarning ta’lim va kasb tanlash imkoniyatlarini kengaytirish,
- jamiyatda otalarning faol ishtirokini rag‘batlantirish,
- qizlarni ilhomlantiradigan ijtimoiy kontent yaratish rejalashtirilgan.
Shuning uchun loyiha nafaqat qizlar haqida, balki otalarning hissi va mas’uliyati haqida ham. Bu bilan qizlar huquqlari haqida jamoatchilik xabardorligi orttirish, otalar qizlar tarbiyasida faolroq ishtirok etishini ta’minlash, qizlarga nisbatan salbiy stereotiplarni kamaytirish mumkin.
«Qizimga» media loyihasi 2025 yil 11 oktyabrdan boshlab, yil davomida bosqichma-bosqich amalga oshiriladi.