Озиб қолган актёрнинг суратини кўрган мухлислари уни оғир касалликка чалинган деб гумон қилишди. Аммо 49 ёшли актёр уларни тинчлантирди.
— Озишимнинг сабаби касаллик эмас, тўғри овқатланиш. Айни пайтга келиб 40 килограмм вазндан халос бўлдим. Қандай дейсизми? Буханка нон, қовурилган овқатлардан воз кечдим, соғлом овқатланишга ўтдим, тез-тез, лекин оз-оздан овқатланяпман,— деди Семчев.
Артистнинг сўзларига кўра, у таом миқдорини камайтирган, қайнатилган товуқ гўшти ҳамда сархил мева-сабзавотларни кўпроқ истеъмол қила бошлаган.
Актёр Александр Семчев "Ликвидация", "Маросейка, 12" сериаллари ва "Тўй", "Сайлов куни" каби фильмлардаги роллари орқали танилган.
