Durbach Block Jaggers архитектура студияси дунёдаги энг энсиз кўп қаватли бино лойиҳасини намойиш этди. Бу ҳақда Dezeen хабар бермоқда.
Бинонинг эни атиги 6,4 метрни ташкил этади, баландлиги эса 100 метрга етади.
Сиднейдаги Питт-410 кўчасида қуриладиган мазкур иншоот меҳмонхона бўлиши кўзда тутилган. Дастлабки етти қаватда вестибюл, қаҳвахона ва меҳмонлар учун жойлар бўлади. Охирги қаватларда эса спа-марказ жойлашади.
Теварак-атрофда эркин ҳаракатланиш имконияти чекланганлиги сабабли иншоотни қурилиш кранларидан фойдаланмасдан бунёд этиш режалаштирилган.
