Эстонияда AstraZeneca ва Pfizer компаниялари вакциналари билан эмлашдан сўнг тромбоз ҳосил бўлиши билан боғлиқ иккита ҳолат қайд этилди. Бу ҳақда Delfi хабар бермоқда.
Биринчи ҳолат AstraZeneca вакцинаси билан эмланган эркакда кузатилган. У вафот этган.
Иккинчи ҳолат Pfizer вакцинаси билан эмланган 82 ёшли эркакда қайд этилган. Тромбоз кўз қон томирида ҳосил бўлган ва эркакнинг кўриш қобилияти бузилган.
"Ҳозирда бир вакцина иккинчисидан хавфлироқ эканлигини кўрсатадиган аниқ илмий маълумот йўқ", - деди Эстония дори воситалари департаменти маслаҳатчиси Алар Ирс.
Айни вақтга келиб бир неча давлатлар эмланганларда пайдо бўлган муаммолар туфайли AstraZeneca препарати билан эмлашни тўхтатиб турибди.
