Италиянинг Эмилия-Романья регионида дўл ёғиши оқибатида А1 автойўлида ҳаракатланиш тўхтатилди, юзлаб машиналар ва уйларга шикаст етди, деб хабар берди il Fatto Quotidiano.
Хабарда айтилишича, кутилмаганда ёғган катталиги олмадай дўл ҳайдовчилар ва маҳаллий аҳолини шошириб қўйган. Дўл доналари автомобиллар ойналарини синдириб, кузовларини пачоқлаган. Кучли шамол ва ёмғир эса ҳайдовчиларнинг ҳаракатланишига имкон бермаган.
Натижада қутқарувчилар Милан-Неапол йўлини уч соатга ёпиб қўйишга мажбур бўлган. Бир нечта йўл-транспорт ҳодисаси юз бергани айтилмоқда.
