Учрашувда Ўзбекистон томонидан Навоий давлат кончилик ва технологиялар университетининг халқаро ҳамкорлик бўйича проректори Шуҳрат Алиқулов, Испания томонидан Овьедо университетининг халқаро алоқалар масалалари бўйича проректори Хесус Даниэль Сантос Родригес ва GEDEPSA компаниясининг бош директори Алехандро Пастрана Молеро иштирок этди.
Шуҳрат Алиқулов Испаниянинг Овьедо университети билан ҳамкорлик алоқаларини ўрнатиш ва қўшма лойиҳаларни жорий қилишдан ҳам манфаатдор эканлигини билдирди. Ўз навбатида, Овьедо университетининг халқаро алоқалар масалалари бўйича проректори Хесус Даниэль Сантос Родригес Ўзбекистон университети билан яқин алоқаларни ўрнатишга тайёр эканини айтди.
Учрашув сўнгида кончилик, энергетика ва материалшунослик йўналишларида қўшма лойиҳаларни амалга оширишга келишиб олинди.
