2025 йилдан бошлаб хусусий олийгоҳларга ҳам квота белгиланиши режалаштирилмоқда. Бу ҳақда “Таълим назорати” канали хабар берди.
Қайд этилишича, президентнинг 2023 йил 3 июлдаги ПҚ–200-сон тегишли қарорида ўзгартиришлар ҳақида сўз юритилган.
Унга кўра, 2025 йил 1 январдан бошлаб:
- нодавлат олий таълим ташкилотларига давлат буюртмаси асосида кадрлар тайёрлаш бўйича квота уларнинг рейтингдаги ўрнига мувофиқ ажратилади;
- олий таълим ташкилотларининг таълим соҳалари кесимидаги рейтингини юритиш йўлга қўйилади.
