Лойиҳа Екатеринбург шаҳрида тадбиркорлик фаолияти билан шуғулланиб келаётган ўзбекистонликлар кўмагида ташкил этилди.
Тадбир доирасида ёрдамга муҳтож оилалар ва ватандош талабалар эҳтиёжлари учун тадбиркор кўмагида озиқ-овқат маҳсулотлари жамланди.
Акция давомида, шунингдек, оилалар билан суҳбатлар ўтказилди, уларнинг яшаш шароитлари ўрганилди.
Бош консулхона ходимлари турли миллатга мансуб, боқувчисиз қолган ва ногиронлиги бўлган 8 нафар болани ўз қарамоғига олган ватандош Самижон Абдуллаев хонадонига ҳам ташриф буюрдилар.
