Тошкент шаҳар Олмазор тумани Солиқ инспекциясининг икки нафар бош инспектори оилавий корхонадан тўланмаган солиқлар учун жарима қўлламаслик эвазига 10 миллион сўм талаб қилгани учун Давлат хавфсизлик хизмати ва Иқтисодий жиноятларга қарши курашиш департаменти томонидан ўтказилган тезкор тадбирда пора олаётган вақтида ушланди.
Давлат хавфсизлик хизматининг Тошкент шаҳар бўйича бошқармаси ҳамда Иқтисодий жиноятларга қарши курашиш департаменти ҳамкорлигида ўтказилган тезкор тадбир давомида солиқ инспекторлари сўралган пул маблағини олган вақтида ашёвий далиллар билан ушланган.
Ҳозирда уларга нисбатан Ўзбекистон Жиноят кодексининг 210-моддаси (пора олиш) 2-қисми “в”, “г” бандлари билан жиноят иши қўзғатилиб, “қамоқ” эҳтиёт чораси қўлланган.
Тергов ҳаракатлари олиб борилмоқда.
— Мнение автора может не совпадать с точкой зрения редакции.
— Редакция готова предоставить трибуну и для другой стороны мнений по этой теме
