Бухоро аэропортида кузатилган туманли об-ҳаво шароити туфайли Utair авиакомпаниясининг Москва—Бухоро йўналишидаги UТ807 рейси экипажи Самарқанддаги муқобил аэропортга йўналишга қарор қилди. Самолёт маҳаллий вақт билан соат 5:09 да қўнган.
Шунингдек, Uzbekistan Airways авиакомпаниясининг Москва—Бухоро йўналишидаги HY9608 рейси экипажи ҳам Навоийдаги муқобил аэропортга қўнишга қарор қилди. Самолёт маҳаллий вақт билан соат 5:10 да қўнган.
Маълум қилинишича, Uzbekistan Airways’нинг Бухоро—Москва йўналишидаги HY9607 рейси Навоийдаги муқобил аэропортдан амалга оширилади. Рейсга рўйхатдан ўтган йўловчилар эса ер усти транспорти орқали Навоийга етказиб берилади.
