Чанғичи Йоҳаннес Клебо Италиянинг Милан ва Кортина д'Ампеццо шаҳарларида ўтказилаётган қишки Олимпиада ўйинларида 10 км масофага алоҳида стартда ғалаба қозониб, учинчи олтин медални қўлга киритди. Натижада норвегиялик саккиз карра Олимпиада чемпиони бўлди.
Клебо масофани 20 дақиқа 36,2 сонияда босиб ўтди. Иккинчи ўринни 4,9 сония ортда қолган франциялик Матис Дележ эгаллади. Бронза медалини норвегиялик Эйнар Хедегарт (+14,0) қўлга киритди.
Аввалроқ Италиядаги ўйинларда 29 ёшли Клебо скиатлон ва спринтда ғолиб бўлган эди. Ҳаммаси бўлиб норвегиялик Олимпиадаларда саккизта олтин медални қўлга киритди. У энг юқори даражадаги мукофотлар сони бўйича қишки ўйинлар рекордини такрорлаб, ватандошлари - биатлончи Уле-Эйнар Бёрндален ва чанғичилар Бёрн Дэли ва Марит Бёрген билан тенглашди.
