Toshkent-Tbilisi-Toshkent yo‘nalishi bo‘yicha muntazam qatnovlar tiklanadi. Parvozlar 30 martdan haftasiga 2 marta amalga oshiriladi.
Uzbekistan Airways aviakompaniyasi Toshkent-Tbilisi-Toshkent yo‘nalishi bo‘yicha muntazam qatnovlar tiklanganini ma'lum qildi.
Parvozlar 30 martdan boshlab haftasiga 2 marta - seshanba va juma kunlari amalga oshiriladi.
Seshanba:
- Toshkent-Tbilisi (uchish 16:10da, qo‘nish 18:30da)
- Tbilisi-Toshkent (uchish 19:30da, qo‘nish 23:30da)
Juma:
- Toshkent-Tbilisi (uchish 20:40da, qo‘nish 23:00da)
Shanba:
- Tbilisi-Toshkent (uchish 00:30da, qo‘nish 04:30da)
Bundan oldinroq, Gruziya O‘zbekiston fuqarolari uchun havo chegaralarini ochishi, bu masalada 5 mart kuni idoralararo muvofiqlashtirish kengashi tomonidan qaror qabul qilingani haqida xabar berilgandi. Unga ko‘ra, yo‘lovchilar parvozdan avvalgi 72 soat ichida topshirilgan PZR-test tahlilining manfiy natijasi asosida Gruziyaga uchib borishlari mumkin. Tashrif buyuruvchilar mamlakatga kelganining uchinchi kuni o‘z mablag‘lari hisobidan qayta test tahlili topshirishlari shart hisoblanadi.
