“Mahalla” jamoat fondi tomonidan o‘tgan 6 oyda ehtiyojmand aholi qatlamiga 2 milliard so‘mdan ziyod xayriya yordami ko‘rsatildi. Bu haqda AOKAda o‘tkazilgan brifingda fond axborot xizmati rahbari Hasan Salomov ma’lum qildi.
Hasan Salomov
Davlat rahbari tashabbusi bilan tashkil etilgan “Saxovat va ko‘mak” jamg‘armasi hisobidan o‘tgan 6 oy davomida ehtiyojmand aholini moddiy qo‘llab-quvvatlash, “Temir daftar” va “Ayollar daftari”ga kirgan fuqarolarga 100 mlrd so‘mga yaqin moddiy yordam ajratildi.
O‘tgan yarim yilda fond mablag‘lari hisobidan 248 ta fuqarolar yig‘iniga 1 milliard 238 mln so‘mlik kompyuter texnikalari olib berildi. 258 ta mahalla idorasiga esa 1 mlrd 547 mln so‘mlik mebel jihozlari olib berildi.
Mustaqillik 31 yilligi oldidan Buxoro, Navoiy, Namangan, Farg‘ona, Xorazm viloyatlaridagi fuqarolar yig‘inlariga mebel va kompyuter jihozlari topshirildi.
