Foto: Utro
Rossiya TIV rahbari Sergey Lavrovning ma'lum qilishicha, Qatar bilan bog‘liq vaziyat xavotirga sabab bo‘lmoqda.
Bu haqda vazir Qatar TIV rahbari Muhammad bin Abdul Rahmon Al Taniy bilan muzokaralardan avval aytib o‘tdi.
«Albatta, muhokama etiladigan masalalar orasida arab dunyosida vaziyatning keskinlashishi ham bor. Ba'zi arab davlatlarining Qatar bilan diplomatik aloqalarni uzish haqidagi qarorini tashvish bilan qarshi oldik», - deya Lavrovning so‘zlarini keltiradi TASS.
Avvalroq Saudiya Arabistoni, Bahrayn, BAA, Misr, Yaman, Liviya, Maldiv, Mavritaniya, Mavrikiy va Komor orollari Qatar bilan diplomatik aloqalarni uzishgani ma'lum bo‘ldi.
