2017 yilning 13 iyul kuni taxminan soat 15:40larda Yashnobod tumani hududida e'lon qilingan “ushlash” tezkor rejasi asosida, Toshkent shahar IIBB PPX va YPXB xodimlari tomonidan, “Damas” rusumli avtomashinasi ushlanib, uning ichidan Toshkent viloyati, Yuqori Chirchiq tumani hududida fuqaro Alimjon Xalilovga (jabrlanuvchining anketa ma'lumotlari o‘zgartirilgan) nisbatan talonchilik jinoyatini sodir etganlikda gumon qilinuvchi Andrey Bekdyarov va Vasiliy Mazovlar qo‘lga olingan. Bu haqda poytaxt IIBB xabar berdi.
Hozirda ularning boshqa jinoyatlarga aloqadorliklari tekshirilmoqda.
Yuqoridagi shaxslarning xatti-harakatlaridan jabr ko‘rganlar bo‘lsa, «102» telefon raqamiga yoki yaqin atrofdagi ichki ishlar organlariga murojaat etishi mumkin.
