Aziz Abduhakimov O‘zbekiston Respublikasi Turizmni rivojlantirish davlat qo‘mitasi raisi lavozimiga tayinlandi. Bu haqda O‘zbekiston Prezidenti rasmiy sayti xabar berdi.
Xabarga ko‘ra, O‘zbekiston Respublikasi Prezidenti 2017 yil 7 avgustda tegishli farmonni imzolagan. Shu munosabat bilan Aziz Abduhakimov O‘zbekiston Respublikasi Bandlik va mehnat munosabatlari vaziri lavozimidan ozod etildi.
Turizmni rivojlantirish davlat qo‘mitasining avvalgi raisi Anvar Sharapov “boshqa ishga o‘tishi munosabati bilan” lavozimidan ozod etilgan.
Aziz Abduhakimov 1974 yilda tug‘ilgan bo‘lib, 2014 yilning yozidan Mehnat va aholini ijtimoiy muhofaza qilish vazirligiga rahbarlik qilgan. 2016 yilning fevralida vazirlik Mehnat vazirligiga, joriy yilning mayida esa - Bandlik va mehnat munosabatlari vazirligiga aylantirildi.
