Foto: KUN.UZ
“O‘zbekiston havo yo‘llari” Milliy aviakompaniyasi 2018 yilda uch milliondan ortiq yo‘lovchi tashishni rejalashtirmoqda, deb xabar qildi aviakompaniya matbuot xizmati.
«O‘tgan yil yakunlari bo‘yicha aviakompaniya 2,7 million nafar yo‘lovchi tashigan bo‘lsa, bu yil uch milliondan ortiq yo‘lovchi tashish rejalashtirilmoqda», – deyiladi MAK xabarida.
Xabarda keltirilishicha, parvozlar geografiyasi yildan-yilga kengaymoqda. Oxirgi yil davomida Dushanbega, Samarqanddan Istanbulga yangi yo‘nalishlar ochildi, Lohurga parvozlar tiklandi, Nyu-York, Dubay, Bishkek, Moskva va Rossiyaning boshqa qator shaharlariga qatnovlar soni oshdi.
Shuningdek, yuk tashish bo‘yicha ko‘rsatkichlar ham oshib borayotganligi qayd etilgan.
