13:25 / 25.12.2018
13152

Xorijga ish izlab ketayotgan migrantlar soni kamaymoqda - vazirlik

Foto: Focus.kg

O‘zbekistondan chet elga ish izlab chiqib ketayotgan aholi sonida tushish kuzatilmoqda. O‘zbekiston Respublikasi Bandlik va mehnat munosabatlari vazirligi yil yakunlari bo‘yicha hisobotida tashqi mehnat migrantlarining mamlakatdan ketish sur'ati 1,9 foizga tushganini (2593,7 ming kishi) bildirgan. Bu haqda Kun.uz muxbiri xabar bermoqda.

Ma'lum qilinishicha, 2018 yilning ikkinchi yarmida aholining mavsumiy ish bilan shug‘ullanish sur'ati oshgan. Bu ko‘rsatkich joriy yilning birinchi yarmiga nisbatan 22,8 foizga ko‘p. Holatga paxta terim mavsumida kuzatilgan ish o‘rinlarini tartibli tashkil etish sabab bo‘lgani aytilmoqda. 

Vazirlik ayni paytda tashqi mehnat migratsiyasiga oid tadqiqot o‘tkazayotganini bildirib, uning natijalari 2019 yil boshida ma'lum qilishni rejalashtirgan. 

Eslatib o‘tamiz, bundan avval  Bandlik va mehnat munosabatlari vazirligi yangi metodologiya asosida o‘tkazilgan tadqiqot natijasini ma'lum qilgandi. Unda respublikadagi ishsizlik ko‘rsatkichi va ish bilan band aholining tavsiflari berilgan. ​

Top