Rossiya Qora dengiz flotining axborot ta'minoti bo‘limi boshlig‘i, ikkinchi rangdagi kapitan Aleksey Rulev so‘zlariga ko‘ra, mamlakat Qora dengiz floti kemalari Turkiya harbiy-dengiz kuchlari kemalari bilan birgalikda mashqlar o‘tkazgan. Bu haqda RIA «Novosti» xabar bermoqda.
Uning so‘zlariga ko‘ra, mashqlar davomida kemalar otryadi ehtimoliy mina xavfi hududidan o‘tgan.
Shuningdek, uning qo‘shimcha qilishicha, Rossiya va Turkiya kemalari ekipaji Qora dengizi suvlarida o‘zaro hamkorlik bo‘yicha ishlashgan.
Rulevning qayd etishicha, mashqlarda, xususan, «Vasiliy Bikov» patrul kemasi ham ishtirok etgan.
Bundan oldin, Turkiya prezidenti Rajab Toyyib Erdo‘g‘an Rossiya bilan S-500 raketa majmualarini sotib olish bo‘yicha bitim tuzilishi mumkinligini ma'lum qilgandi.
