8562.34 USD +26.60

9731.96 EUR +165.96

135.34 RUB +2.77

10908.4 GBP +161.92

14:16 / 07.06.2019 16984

«Kobalt»ga nimalar yashirilgan edi?

Bojxona organlari tomonidan maishiy texnika vositalarini noqonuniy aylanmasiga o‘z vaqtida chek qo‘yilmoqda.

Xususan, Farg‘ona viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi xodimlari tomonidan Marg‘ilon shahrida tezkor tadbir o‘tkazildi.

Foto: Davlat bojxona qo‘mitasi axborot xizmati

Tadbirda, “Pakana-Farg‘ona-Marg‘ilon” yo‘nalishida harakatlanayotgan fuqaro M.O boshqaruvidagi “Kobalt” rusumli avtomashina tezkor kuzatuvga olinib, Marg‘ilon shahrida yashovchi fuqaro I.N. xonadoniga kirib borgandan so‘ng ko‘zdan kechirildi.

Natijada, avtomashina saloni va yukxonasida muqaddam qo‘shni mamlakatdan respublikamizga noqonuniy olib kirilgan, xorijda ishlab chiqarilgan, tegishli hujjatlari bo‘lmagan, qiymati 31,2 million so‘mlik 156 dona go‘sht qiymalagichlar borligi aniqlandi.

Hozirda mazkur holat yuzasidan bojxona tekshiruvlari davom ettirilmoqda.

Top