13:34 / 16.06.2019
11269
Hindiston AQSh mahsulotlariga boj to‘lovini oshirishdan qancha foyda olishini hisoblab chiqdi
Foto: AP Photo / Rafiq Maqbool

Hindiston AQShning 28 xil mahsulotlariga boj to‘lovini oshirganidan so‘ng 217 million dollar atrofida foyda olishni ko‘zlamoqda, deb xabar berdi NDTV telekanali.

AQSh va Hindiston o‘rtasidagi savdo aloqalari bir yil avval, Tramp ma'muriyati 2018 yil iyunda hind po‘lati va alyuminiysiga import bojlari kiritgandan keyin yomonlashgan. 

Bunga javoban Hindiston AQShning bir qator tovarlariga, jumladan grek yong‘og‘i, olma, bodom va dukkakli o‘simliklariga 120 foizgacha boj kiritilishini e'lon qilgan, biroq AQSh o‘z fikridan qaytishi umidida ushbu boj to‘lovlarini kiritishni keyinga qoldirgandi.

Dastavval Hindiston hukumati ushbu choradan 240 million dollar daromad olishni mo‘ljallagandi. Fikr bildirilishicha, bu summa AQShning hind mahsulotlariga qo‘shimcha boj kiritishidan Hindiston ko‘radigan zararni qoplaydi.

Top