Ҳиндистон АҚШнинг 28 хил маҳсулотларига бож тўловини оширганидан сўнг 217 миллион доллар атрофида фойда олишни кўзламоқда, деб хабар берди NDTV телеканали.
АҚШ ва Ҳиндистон ўртасидаги савдо алоқалари бир йил аввал, Трамп маъмурияти 2018 йил июнда ҳинд пўлати ва алюминийсига импорт божлари киритгандан кейин ёмонлашган.
Бунга жавобан Ҳиндистон АҚШнинг бир қатор товарларига, жумладан грек ёнғоғи, олма, бодом ва дуккакли ўсимликларига 120 фоизгача бож киритилишини эълон қилган, бироқ АҚШ ўз фикридан қайтиши умидида ушбу бож тўловларини киритишни кейинга қолдирганди.
Даставвал Ҳиндистон ҳукумати ушбу чорадан 240 миллион доллар даромад олишни мўлжаллаганди. Фикр билдирилишича, бу сумма АҚШнинг ҳинд маҳсулотларига қўшимча бож киритишидан Ҳиндистон кўрадиган зарарни қоплайди.
