O‘zbekistonning Nyu-York shahridagi (AQSh) Bosh konsulxonasi ma'lumotiga ko‘ra, 2019 yil 17 iyul kuni Kenfild shahrida (Ogayo shtati) yo‘l-transport hodisasi natijasida mamlakat fuqarosi A.N. vafot etdi.
Vafot etgan shaxs yaqinlariga marhum jasadini vatanga jo‘natishda yordam berish uchun mahalliy hokimiyat organlari tomonidan berilgan hujjatlar asosida Bosh konsulxona tegishli hujjatlarni rasmiylashtirdi va boshqa kerakli jarayonlarni amalga oshirdi, deyiladi TIV xabarida.
Konsullik-huquqiy departamenti marhumning qarindoshlari va yaqinlariga ta'ziya izhor etgan va AQShning 35 shtati (Alyaska, Arizona, Kaliforniya, Konnektikut, Gavayi, Aydaxo, Illinoys, Indiana, Ayova, Kanzas, Men, Massachusets, Michigan, Minnesota, Missuri, Montana, Nebraska, Nevada, Nyu Gempshir, Nyu Jyersi, Nyu Mexiko, Nyu York, Shimoliy Dakota, Ogayo, Oregon, Pensilvaniya, Puerto Riko, Rod Ayland, Janubiy Dakota, Yuta, Vermont, Virgin orollari, Vashington, Viskonsin, Vayoming), shuningdek, Meksika, Markaziy va Janubiy Amerika davlatlari hududidagi O‘zbekiston fuqarolari zarur hollarda +1-212-754-7403 telefon raqamlari orqali mamlakatning Nyu-York shahridagi Bosh konsulxonasiga murojaat qilishlari mumkinligini eslatgan.
