Ukrainaning “Pryamoy” hamda 5- telekanallari Ukrainaning amaldagi prezidenti Vladimir Zelenskiyning yangi yil tabrigi o‘rniga sobiq prezident Pyotr Poroshenkoning tabrigini namoyish qildi.
Poroshenkoning yangi yil tabrigi efirga soat 23:57 da uzatilgan. Zelenskiyning tabrigi esa yangi yil kirib kelgandan keyingina namoyish etilgan.
“Yangi yil bayramlarida qandaydir sehr bor. Har qanday vaziyatda ular yaxshi kayfiyat olib keladi. Kim-kim, lekin bizning Yevropa bilan birdamlik jamoamiz hech qachon taslim bo‘lmaydi, biz Ukrainaning g‘alabasiga ishonamiz va bizni hech kim sindira olmaydi. Biz birgalikda maqsadlarimizni: Ukrainaning Yevropa ittifoqi va NATOga a'zo bo‘lish istiqboli, tilimiz, e'tiqodimiz va armiyamizni himoya qilamiz”, deb aytib o‘tgan Poroshenko o‘z tabrigida.
