20:46 / 20.01.2020
0
38143
Ashxobod aeroporti yangi rekord o‘rnatdi

Ashxobod xalqaro aeroporti alyuminiydan ishlangan eng katta uch o‘lchamli tomga ega. Bu haqda World Record Academy tashkiloti ma'lum qildi.  

Avvalroq ushbu tashkilot Ashxobod aeroportiga qush ko‘rinishida ishlangan eng katta bino uchun rekord natija qayd qilgandi. Ushbu bino qanotlarini yoyib turgan lochin ko‘rinishida ishlangan. 

Aeroport 2016 yilda qurilgan. Avvalroq u turkman gilamlarida qo‘llanuvchi naqshning eng katta tasviri bilan Ginness rekordlar kitobiga kiritilgan. Bu haqidagi sertifikat aeroport ochilishi vaqtida taqdim qilingandi.

Aeroport 1200 gektar maydonda joylashgan va 100 ta inshootni o‘z ichiga olgan. Aeroport har soatda 1600 yo‘lovchi o‘tkaza oladi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top