Brent nefti narxi London birjasidagi savdolar vaqtida 26,75 dollargacha tushib ketdi.
Foto: Reuters
Soat 16:28ga kelib neft narxi 26,69 dollarni tashkil qilgan. Oxirgi marta bu turdagi neft narxi 27 dollardan pastroqqa 2003 yil sentyabrda tushgan. O‘shanda dunyo avvalgi epidemiya – atipik zotiljamni boshdan kechirgan.
WTI turidagi neft esa 10,5 foizga arzonlashib, narxi 24,44 dollargacha tushib ketgan. Neft narxining bunday qadrsizlanishiga koronavirus sababli talab pasaygani va OPeK+ kelishuvi barbod bo‘lgani sababli taklif ko‘paygani sabab bo‘lgan.
Buning ortida Rossiya rubli ham qadrsizlanib, bir dollar 80 rublni tashkil qilgan.
