23:57 / 12.05.2020
66040
Foto: O‘zbek hamshirasi koronavirusga qarshi kurashdan keyin

Ayni paytda O‘zbekistonda 50 mingdan ziyod hamshira koronavirus infeksiyasiga qarshi kurashga jalb etilgan.

Foto: Sog‘liqni saqlash vazirligi

Sog‘liqni saqlash vazirligi 12 may - Xalqaro hamshiralar kunida koronavirus infeksiyasiga qarshi kurashda ishtirok etayotgan hamshiralardan biri haqida ma'lumot berdi.

«O‘z ishida ham, oila va jamiyatda ham faol va tashabbuskor hamshiralarimizga qancha ehtirom ko‘rsatsak arziydi. Ayni paytda mamlakatimizda koronavirus infeksiyasiga qarshi qahramonlarcha kurashayotgan 50 ming nafardan ziyod hamshiralar faoliyati alohida tahsinga loyiq.

Ana shunday fidoyi hamshiralardan biri, Toshkent tibbiyot akademiyasi ko‘p tarmoqli tibbiyot klinikasi xodimi Fotima Xusanovadir. Ko‘p yillik tajribaga ega hamshira o‘tgan bir oy ichida 43 nafar koronavirusga chalingan bemor butunlay sog‘ayishiga o‘zining munosib hissasini qo‘shdi. 

Fotimaning yuzida yangidan hosil bo‘lgan chandiqlar ham o‘z kombinezonini yechmasdan, hayoti va sog‘lig‘ini garovga qo‘yib, kunni tunga ulab, qilgan mashaqqatli va matonatli mehnatining natijasidir», deyiladi  xabarida.

«Shunday olijanob kasbni tanlaganimdan faxrlanaman, bu qiyinchilik, sinovlar ortda qolyapti, lekin hamkasblarim bilan qisqa vaqt ichida koronavirusga chalingan o‘nlab bemorlarning sog‘ayishi, ularning o‘zi va oilalarining quvonchiga sabab bo‘lyapmiz. Biz uchun odamlarimizning sog‘lom va xushkayfiyatda yurishidan-da ortiq baxt yo‘q», deydi Fotima Husanova.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top